МТРА жаңалықтар - Оқиғалар 22-02-2012 21:28 Көрулер саны:1870

Кешке таман қаланың орталық шағын аудандарының бірінде кенет дабылқаққыштың дауысы шығып, жайбарақат жүрген халықты дүрліктірді.  Астана және Интернационал көшелерінің қиылысында бір топ полиция қылмыскерлерді құрықтау шарасын өткізді.

Осы маңға үйірілген куәгерлердің ешбірі арна тілшілеріне бұл оқиға жайлы мардымды ақпарат бермеді. Тәртіп сақшылары да тіс жарған жоқ. Алдын-ала болжамдарға сәйкес,  бір топ сезіктілердің бопсалауға қатысы бар. Бұл оқиғаның мән-жайын алдағы уақытта хабарлайтын боламыз.

Гүлмира Шоқтыбаева